محسن كيك (جيلى) شبه الفازلين وطريقة إستخدامه فى الكيك.

محسن كيك (جيلى) شبه الفازلين وطريقة إستخدامه فى الكيك.

محسن كيك (جيلى) شبه الفازلين وطريقة إستخدامه فى الكيك.

يستخدم فى الكيكات خاصة الكيكة الاسفنجية واستخدامه يجعل الكيكة بالقوام الإسفنجى المطلوب كما أنه يجعلنا نستخدم عدد قليل من البيض فى عمل الكيكة لأنه يقوم بدور المادة الرافعة.

الدقيق ,الطحين بأنواعه المختلفة - دقيق الحلويات والمخبوزات

الدقيق ,الطحين بأنواعه المختلفة - دقيق الحلويات والمخبوزات - الدقيق الأبيض والدقيق الأسمر- دقيق المخبوزات - دقيق الحلويات - معلومات عن الدقيق

الدقيق ,الطحين بأنواعه المختلفة - دقيق الحلويات والمخبوزات 

الدقيق الأسمر: هذا النوع من الدقيق يتم فيه طحن القمح بقشرته مما يعطيه الكثير من فوائد القمح من فيتامينات ومعادن وفيتامين ب وماغنيسيوم و زنك..
يستخدم فى عمل خبزوأصناف وجبات للريجيم  .كما انه مفيد جدا للمرأة بعد سن الأربعين.

الدقيق الأبيض نوعان: يفضل استخدام الدقيق المخزن فى أكياس كيلوات لأنه بيكون خالى من الرطوبه ويعطى أفضل النتائج فى الحلويات.

 دقيق الكيك والكحك والبسكوت هو دقيق نسبة الجلوتين فيه قليله .

دقيق المخبوزات: هو دقيق قوى نسبة الجلوتين(البروتين) فيه عالية توصل ل 11 و12.

ماهو الجلوتين: الجلوتين هي مادة أساسها البروتينات الموجودة في دقيق القمح و هي تعطي الهيكل و القوة للأصناف المخبوزة. عنى هو اللى بيعطى الدقيق عرق ويخليه ما يقطعش معاكى عند العجن.

المصدر

اكل دوت نت

www.akll.net

 

المرغولة

المرغولة اكلة من صميم الريف المصرى

كل الفلاحين يعرفونها والقليل من اهل المدن

وهى مغذية جدا لانها تجمع بين الملوخية الغنية بالحديد والكالسيوم والمعادن وكذلك الخضروات متمثلة فى الطماطم والفلفل الحامى والفليفلة والخيار  والليمون

وتؤكل فى الافطار او فى الغذاء او فى العشاء

وسيحبها اطفالكم بالتأكيد

 

المهم المقادير

1-كوب من الملوخية الناشفة

عدد3حبات طماطم كبيرة وجامدة ومقطعة قطع صغيرة

عدد2  حبة خيار مقطع قطع صغيرة

عدد 1 فلفل حامى

عدد 2 فليفلة  مقطعة قطعا صغيرة

عدد 1 حبة بصل كبيرة مقطع قطعا صغيرة

عصير ليمونتين

ملح- فلفل-كمون

ماء

ملعقتين زيت

الطريقة

نخلط كل المكونات السابقة مع بعضها فى اناء عميق ثم نضيف الماء بالتدريج ونقلب حتى تصبح كثافة الملوخية مثل الملوخيى العادية التى نطبخها

لاهى سائلة جدا ولاهى سميكة جدا

اى يمكن تناولها مثل الشوربة الكثيفة

وبس كده

شوفوا قد ايه سهلة وبسيطة ولكنها مغذية جدا

وتؤكل بالخبز 

وبالهنا والشفا

الارز والفول الاخضر

هى اكلة مصرية صميمة وتؤكل فى موسم الشتاء فى موسم الفول الاخضر

وهى اكلة قيمة من الناحية الغذائية ويؤكل مع البصل الاخضر وتدفئ جدا فى الشتاء

مش هاطول عليكم

المقادير

1- 2كوب من الفول الاخضر المقشر والمغسول

2-2كوب من الارز المغسول والمنقوع

3- عدد 2 بصلة كبيرة مقطعة قطعا صغيرة

4- ملح - فلفل- رشة جوزة الطيب- كمون

ماء- زيت

الطريقة:

1- يتم الطبخ فى الحلة التى سوف ينضج بها الارز يعن طبخ هذه الاكلة لا يحتاج سوى حلة واحدة

يتم تحمير البصل فى مقدار مناسب من الزيت وما يكونش زيت كثيرونستمر فى التقليب حتى يصفى البصلة وتغمق قليلا

نضيف الفول الاخضر الى البصل ونقلبه حتى نجد ان الفول بدأت تتشقق  جوانبهوعندها نضيف الماء اليه بالقدر الكافى لطبخ الارز يعنى حوالى كوبين ماء

نضيف الملح والبهارات السابق ذكرها 

نضيف الارز الى الفول ونقلبه ثم نغطى الحلة ونتركها حتى ينضج الارز .

ثم نطفئ النار 

وبالهنا والشفا

طريقة تمليح الزيتون الأسود

الكثير مننا يعرف كيف يتم تمليح الزيتون الاخضر سواء تمليحه دون شقه او شقه بالسكين

ولكن لا حظت ان الكثيرات لا تعرف كيف تملح الزيتون الاسود

ولكنى سأوريكم طريقتى وطريقة امى وجدتى وهى متوارثة من جيل الى جيل

اولا : المقادير 

اى كمية تريدين تمليحها من الزيتون الاسود الكلاماتا ( 2كيلو-3كيلو ..... زى ما انت عاوزة)

مقدار من الملح

الماء

خل

زيت

الطريقة:

*نضع الزيتون الاسود فى البرطمان الذى سوف نملحه فيه

* نضيف الملح الى الماء الذى يستطيع تغطية الزيتون ويتم حساب درجة ملوحة الماء من خلال اختبار البيضة:

نقوم بإذابة بعض الملح فى الماء ثم نضع فى الماء بيضة نيئة واذا طفت على السطح اذن كمية الملح مناسبة وإلا نضيف مزيدا من الملح ونقوم بإذابته حتى تطفو البيضة على سطح الماء.

* نسكب الماء المملح على الزيتون فى البرطمان حتى يغطيه تماما ونغلق البرطمان جيد ونتركه مدة لا تقل عن شهر.

*بعد اكثر من شهر نخرج الزيتون من البرطمان ونغسله بالماء الجارى جيدا لازالة الملح به ثم ننقعه فى ماء مغلى لمدة ساعتين حتى تذهب منه الملوحة الزائدة والمرارة المتبقية.

* بعد ذلك نضعة فى برطمان نظيف ونغطيه بمزيج من الزيت ( زيت عباد شمس - زيت ذرة-او زيت زيتون) والخل بمقدارصغير

ونغلق البرطمان ويكون جاهزا للاكل فى اليوم التالى

وبالهنا والشفا

خشاف رمضان على طريقتى

الخشاف فى الرمضان زى الفانوس وسماع صوت إطلاق المدفع ساعة الافطار من الطقوس الخاصة برمضان

وانا بأعمله بطريقتى وهى سهلة 

لكنها تاخذ بعض الوقت لأنى باعمله فى الصباح ويكون جاهز للاكل بعد الافطار

ومقاديرى هنا حسب الرغبة يعنى اللى بيحب المشمش اكثر يزود فى المشمش

واللى يحب التين يزود فيه .... وهكذا

بداية المقادير

كمية مناسبة من المشمش الجاف

 كمية مناسبة من التين المجفف

كمية مناسبة من القراصيا

كمية مناسبة من الزبيب

كمية مناسبة من المكسرات غير المملحة

ومقدار ما يغطى كل المكونات السابقة من عصير قمر الدين المخفف بالماء وسكره قليل

الطريقة :

نقوم بتقطيع المكونات الطرية السابقة ( مشمش-تين-قراصيا) الى انصاف ونضع معهم الزبيب والمكسرات وعصير قمر الدين ونغطى القدر ونتركه ليتم نقعه من الصباح وحتى المغرب

بدون تعريضه الى اى نيران

وصدقونى عملية النقع افضل من الغليان بكثير حيث تظل المكونات محتفظة بشكلها ورونقها دون ان تتهرى

وعند التقديم توضع فى بولات او فى كاسات كبيرة وعلى وجهها نرش المكسرات وبالهنا والشفا

كبسة الجمبرى على طريقتى

الكبسة من الاكلات السعودية الشهيرة اللى كلنا بنحبها

ومنها بالدجاج او اللحم او حتى بالسمك

انا عملتها على طريقتى بالجمبرى وطلعت جميلة جدا وياريت تشاركونى الوصفة

المقادير

1كيلو جمبرى مقشر ومتوسط الحجم

2كوب ارز بسمتى مغسول ومنقوع لمدة لا تزيد عن ساعة

ملح-فلفل- كارى-حبة ليمون مجففة(لومى)- رشة جوزة الطيب- عود قرفة- كركم- كمون-فلفل حار(حسب الرغبة)

عدد2 بصلة متوسطة ومقطعة قطعا صغيرة جدا

عدد 2 فص ثوم مفرومين ناعم

عدد4 اكواب ماء

الطريقة

1-نضع الجمبرى فى حلة على النار بدون ماء ونقوم بتغطيتها ونتركها فترة قصيرة حتى يتغير لون الجمبرى وينزل منه ماءه اللى رائحته تكون غير مستحبة

2- نغسل الجمبرى بالماء ونصفيه

3- نأتى بحلة ونضعها على النار ونضع فيها اى مادة دهنية مفضلة لدينا( زيت عباد شمس-زيت درة- زيت زيتون-ملعقة سمن بلدى)

وعندما يسخن نضيف البصل وتقلبه حتى يصفر لونه 

4- نضيف الثوم المفروم ونقلبه سريعا حتى لا يحترق ثم نضيف البهارات كلها السابقة

5- نضيف الجمبرى ونقلبه مع المكونات كلها لمدة لا تزيد عن دقيقة

ثم نضيف الماء  ونتركه حتى يغلى.

6- نضيف الارز البسمتى  ونقلبه مع الجمبرى ثم نغطى الحلة  ونهدئ النار حتى ينضج الاز

ثم يقدم بالهنا والشفا

كيفية عمل المشمشية بدون قمر الدين

كلنا بنعرف المشمشية اومهلبية قمر الدين

وده من خلال تحويل عصر قمر الدين الى مهلبية ونضع عليها المكسرات وجوز الهند

لكن لو ماكنش فى السوق قمر الدين. نعمل ايه؟؟؟

انا عملت مشمشية طبيعية وطعمها اكثر من رائع وهى منعشة جدا وصدقونى اللى هايجربها هايفضلها على مشمشية قمر الدين.

واليكم المقادير

1/2 كيلو مشمش

1/2كيلو خوخ

1كوب سكر او اكثر حسب المزاج

2ملعقة كبيرة من النشا+ عصير ليمونة

8اكواب ماء

الطريقة:

1- نخلى الخوخ والمشمش من البزورونضعهم على الماء ومعهم السكر فى حلة ونضعهم على النار

2- عندما يبدأ المزيج فى الغليان نضيف عصير الليمونة

3-نترك المزيج يغلى حوالى 10دقائق ثم نطفئ النار ونتركه يبرد

4-نضرب الخليط فى الخلاط الكهربائى حتى ينعم تماما ويصبح عصيربدون اى كتل.

5- نضع العصير على النار ونضيف اليه النشا ونستمر فى التقليب حتى لا يتكتل وعندما ينضج نضعه فى اطباق التقديم

ونضعه فى الثلاجة حتى يبرد.

وممكن اضافة المكسرات عليه حسب الرغبة

وبالهنا والشفا

طريقة عمل الارز باللبن الساخن

كلنا نعرف عن الارز باللبن  البارد الحلو الى يصنع بالسكر وجوز الهند واحيانا يوضع على وجهه المكسرات

ولكن وصفة الارز باللبن الغير مسكر دى وصفة قديمة من ايام جدتى  وكانوا يأكلوه مع العسل الاسود وهو يدفئ جدا خصوصا فى ليالى الشتاء الباردة

عموما هو مش مالح قوى زى ما هاتشوفوا فى الوصفة وممكن اكله لوحده وهو مفيد جدا

المقادير

1 كوب من الارز المصرى المغسول والمنقوع فى الماء

1كيلو لبن

رشة ملح خفيفة جدا حوالى 1/4 ملعقة صغيرة

2كوب ماء

الطريقة

نصفى الارز ونضعه مع 2 كوب ماء ليتم سلقه على النار

بمجرد ما يتشرب الارز كل الماء يتم اضافة اللبن اليه واضافة الملح

ونخلى بالنا احنا مش عاوزينه مالح مثل الارز العادى ولكن مجرد زرة ملح خفيييفة 

نقوم بتهدئة النار عليه وتغطيته وتركه حتى يتم النضج ونراعى عدم التقليب حتى لا يفسد وجهه اللى هاتتركز عليه قشطة اللبن

يمكن اضافة قشطة عليه او كريمة لزيادة دسامته وده اختيارى

نطفئ النار ونتركه يهدأ قليلا 

ثم نأكله اما منفردا

او بسكب ملعقة من العسل الاسود عليه ليعطيه مزاق حلو

وبالهنا والشفا

طريقةعمل الزبادى البيتى

الزبادى 

حلوة جدا ولا غنى عنها فى اى منزل يوجد به اطفال

وعشان بتكون صناعتها فى البيت اوفر من حيث التكلفة

+ انك عارفة ومطمئنه على اللبن اللى انت بتستخدميهفى صناعتها وبلا اى مواد حافظة

الطريقة يهلة تحتاج الى:

فرن دافئ+اى كمية لبن تحبيها نقول مثلا لتر لبن+عبوة من الزبادى الجاهزة نستخدمها كخميرة

الطريقة:

1-نشغل الفرن ولما يسخن قوى نطفيه

2- نقوم بوضع اللبن فى وعاء على النار ونتركه حتى يصبح دافئ =انك لما  تضعى اصبعك فى اللبن لا تتوجعى منه

3- نطفئ النار على اللبن

4- نقوم بوضع عبوة الزبادى على اللبن والتقليب جيدا حتى تمتزج مع اللبن بدون اى تكتلات

5- نصب الخليط فى الاكواب"حسب ما تحبى سواء كانت زجاج او بلاستيك والزجاج افضل"ونضعهم فى صينية بها ماء دافئ" يعنى زى حمام مائى"

6- نضع الصينية التى بداخلها الاكواب وحولهم الماءالدافئ بداخل الفرن الدافئ ونتركهم حوالى من 4-6 ساعات مع التأكد من استمرارية دفئه

7-نخرج اكواب الزبادى ونضعها فى الثلاجة

وبالهنا والشفا

كوكتيل عباس

عندى مشروب طبيعى ومنعش جدا جدا

طبعا فى الصيف الواحد يجرى على المياه الغازية منشدةالحر والعطش

ولكنى استطعت اناعمل كوكتيل جميل جدا ومنعش فى الصيف الواحد ما يحسش معاه بالعطش

ومكون من : كركديه+تمر هندى+خروب

بداية:

احب اعرفكم فوائد كل منهم وبعدين اقولكم طريقةعمل الكوكتيل

1- الكركديه

الكركديه علاج فعال وآمن لخفض أنزيمات الكبد وإنتاج مضادات للأكسدة نظرا لاحتوائه علي الفلافينويد والفينولات العديدة التي تعمل علي إزالة المواد الضارة من الكبد وتساعد علي إنتاج مضادات الأكسدة‏,

2- التمرهندى

نظراً لوجود الاحماض والمعادن في مشروب التمر الهندي فإنه يفيد في تخليص الدم من حموضته الزائدة وطرد ما يحتويه من سموم.
- حيث ان مشروب التمر الهندي يحتوي على عدد من المضادات الحيوية فإنه يفتك بعدد من السلالات البكتيرية ولذا فإنه يطهر الجسم من الجراثيم.
- يضاف التمر الهندي من قبل شركات الأدوية الى أدوية الاطفال كخافض للحرارة.
- يستخدم مشروب التمر الهندي في حالات ارتفاع ضغط الدم والقيء والغثيان والصداع.

يستعمل التمر الهندي في الهند لإزاحة غازات المعدة ولترطيب الحلق وملين لطيف، وفي الصين يستخدم التمر الهندي لعلاج الدسنتاريا وعلاج البرد ولنقص الشهية.
لا توجد أي محاذير للتمر الهندي حتى بالنسبة للحوامل والأطفال.

3- الخروب

 

 

الخروب يستخدم في معالجة :

الإسهال وعسر الهضم و الحرقان

وأيضا في تخفيف التهاب الأمعاء.

تعتبر ثمار الخروب مغذية وملينة معتدلة ويساعد في تطهير الأمعاء.

وحيث إن الخروب قلوي فإنه يستعمل لعلاج حموضة المعدة.
والخروب الطازج مقو للمعدة والمنقوع يعدل حموضة الهضم.

ويصنـع من الخروب مركبات خاصة لعلاج الإسهال عند الأطفال.
يستعمل بكمادات من الخارج لإزالة الثآليل الجلدية.

قشر البذور قابض للأنسجة و ملين, كما يستعمل المغلي والمنقوع في علاج النزلات الصدرية .
خفض الكوليستيرول بالدم
مضاد للأكسدة

الحساسية والربو لأنه يحتوي على حمض الغاليك
يخفض الضغط الدموي
يقي من ظهور سرطان الرئة إذا استعمل بانتظام
يحد من هشاشة العظام لتركيبته الغنية بالكلسيوم والفوسفور

تصوروا لوكل الفوائد دى تجمعت فى كوب واحد؟؟؟؟؟؟

اظن كده اقول لكم على الطريقة

انا باعمل كمية كبيرة منه عن طريق اجيب شوية كركديه مثلا كوب+ شويه تمر هندى+ شويةخروب مثلا نصف كوب واحطهم فى حلة كبيرة مملوءة بالماء واضع معهم السكر حسب الرغبة واضع الحلةعلى النار لغاية ما تغلى غلوة يعنى بمجرد ما تبدأ تغلى اطفى النار واتركها تبرد واعبيها فى زجاجات واضعها فى الثلاجة واشرب منها كل يوم براحتى وممكن يقعد حوالى اسبوع

وعلى فكرة مرة حاولت انى بدل ما اغليها على النار انى اكتفى بنقعها : وللحق طلع طعمه حلو ولكنه لا يظل بحالته فترة طويله فى الثلاجة يعنى يدوبك يقعد يومين بالكثير

حقيقى هايعجبكم لو جربتوه

اما اسمه"كوكتيل عباس" انا سميته كده على اسم صديق العائلة اللى دلنى على اضافة الخروب حيث انى كنت اعمله مكون من الكركديه والتمر هندى فقط .علشان كده انا بأشكره من خلال اطلاق اسمه عليه

طريقة عمل الكريم كراميل بسهولة

المقادير

1 لتر لبن يعنى حوالى 4 اكواب ونصف

2بيضة

فانيليا

2 ملعقة سكر

وللكراميل:

2ملعقة سكر

ملعقة ماء

الطريقة:

اولا نعمل فى الحلة او القالب اللى هانعمل فيه الكريم كراميل نعمل فيه الكراميل عن طريق تسخين ملعقتى السكر مع ملعقة الماء وتقليبها على النار حتى يحمر لونها مش تتحرق

ثم نضعها على جنب

ونقوم بتدفئة اللبن ثم نخلطه مع البيض والفانيليا والسكر ونقلبه جيدا : ملحوظة ممكن ضربهم فى الخلاط هايكون اسهل بكثير

ثم نصب الخليط فى الوعاء اللى عملنا فيه الكراميل

ونعمل حمام مائى لهدا الوعاء

بالنسبة لى انا اعمل الكريم كراميل فى حلة وادخلها فى حلة اكبر منها بها ماءواغطيها واضعها على البوتاجاز واهدى النار واسيبها لغاية ما تتماسك على النار واخلى بالى من انى اراقب مستوى الماء كل شوية لانه بيتبخر

وبعدين احطها فى الثلاجة  وتانى يوم بالهنا والشفا

موس المانجو

مـوس المــانجــو(كــاسة مــانــجــو)- موس المانجو بالصور-mango mousee recipe:

مـوس المــانجــو(كــاسة مــانــجــو)

مـــقاديـــرمـوس المــانجــو(كــاسة مــانــجــو):

 200جم باسترى كريم (بودرة موجود فى محلات العطارة ومستلزمات الحلوانى) -500 جم عصير مانجو(يفضل يكون فريش) - مانجو مقطعة مكعبات.

طــريــقــة عمل مـوس المــانجــو(كــاسة مــانــجــو) :

·   نضرب الباسترى كريم مع عصير المانجو بالمضرب اليدوى كويس جدا بحيث نحصل على قوام متماسك.
·   نضعهم فى البلبلة.
·   نجهز الكاسات.
·  ييتم تعبئتها بمكعبات المانجو من تحت وفوقها بالبلبه نصب الخليط(عصير المانجو مع الباسترى) ثم lady finger  ثم طبقة أخرى من الخليط بالبلبلة ثم مكعبات مانجو فوقها ثم fresh cream  بالبلبلة.