كبسة الجمبرى على طريقتى

الكبسة من الاكلات السعودية الشهيرة اللى كلنا بنحبها

ومنها بالدجاج او اللحم او حتى بالسمك

انا عملتها على طريقتى بالجمبرى وطلعت جميلة جدا وياريت تشاركونى الوصفة

المقادير

1كيلو جمبرى مقشر ومتوسط الحجم

2كوب ارز بسمتى مغسول ومنقوع لمدة لا تزيد عن ساعة

ملح-فلفل- كارى-حبة ليمون مجففة(لومى)- رشة جوزة الطيب- عود قرفة- كركم- كمون-فلفل حار(حسب الرغبة)

عدد2 بصلة متوسطة ومقطعة قطعا صغيرة جدا

عدد 2 فص ثوم مفرومين ناعم

عدد4 اكواب ماء

الطريقة

1-نضع الجمبرى فى حلة على النار بدون ماء ونقوم بتغطيتها ونتركها فترة قصيرة حتى يتغير لون الجمبرى وينزل منه ماءه اللى رائحته تكون غير مستحبة

2- نغسل الجمبرى بالماء ونصفيه

3- نأتى بحلة ونضعها على النار ونضع فيها اى مادة دهنية مفضلة لدينا( زيت عباد شمس-زيت درة- زيت زيتون-ملعقة سمن بلدى)

وعندما يسخن نضيف البصل وتقلبه حتى يصفر لونه 

4- نضيف الثوم المفروم ونقلبه سريعا حتى لا يحترق ثم نضيف البهارات كلها السابقة

5- نضيف الجمبرى ونقلبه مع المكونات كلها لمدة لا تزيد عن دقيقة

ثم نضيف الماء  ونتركه حتى يغلى.

6- نضيف الارز البسمتى  ونقلبه مع الجمبرى ثم نغطى الحلة  ونهدئ النار حتى ينضج الاز

ثم يقدم بالهنا والشفا

كيفية عمل المشمشية بدون قمر الدين

كلنا بنعرف المشمشية اومهلبية قمر الدين

وده من خلال تحويل عصر قمر الدين الى مهلبية ونضع عليها المكسرات وجوز الهند

لكن لو ماكنش فى السوق قمر الدين. نعمل ايه؟؟؟

انا عملت مشمشية طبيعية وطعمها اكثر من رائع وهى منعشة جدا وصدقونى اللى هايجربها هايفضلها على مشمشية قمر الدين.

واليكم المقادير

1/2 كيلو مشمش

1/2كيلو خوخ

1كوب سكر او اكثر حسب المزاج

2ملعقة كبيرة من النشا+ عصير ليمونة

8اكواب ماء

الطريقة:

1- نخلى الخوخ والمشمش من البزورونضعهم على الماء ومعهم السكر فى حلة ونضعهم على النار

2- عندما يبدأ المزيج فى الغليان نضيف عصير الليمونة

3-نترك المزيج يغلى حوالى 10دقائق ثم نطفئ النار ونتركه يبرد

4-نضرب الخليط فى الخلاط الكهربائى حتى ينعم تماما ويصبح عصيربدون اى كتل.

5- نضع العصير على النار ونضيف اليه النشا ونستمر فى التقليب حتى لا يتكتل وعندما ينضج نضعه فى اطباق التقديم

ونضعه فى الثلاجة حتى يبرد.

وممكن اضافة المكسرات عليه حسب الرغبة

وبالهنا والشفا

طريقة عمل الارز باللبن الساخن

كلنا نعرف عن الارز باللبن  البارد الحلو الى يصنع بالسكر وجوز الهند واحيانا يوضع على وجهه المكسرات

ولكن وصفة الارز باللبن الغير مسكر دى وصفة قديمة من ايام جدتى  وكانوا يأكلوه مع العسل الاسود وهو يدفئ جدا خصوصا فى ليالى الشتاء الباردة

عموما هو مش مالح قوى زى ما هاتشوفوا فى الوصفة وممكن اكله لوحده وهو مفيد جدا

المقادير

1 كوب من الارز المصرى المغسول والمنقوع فى الماء

1كيلو لبن

رشة ملح خفيفة جدا حوالى 1/4 ملعقة صغيرة

2كوب ماء

الطريقة

نصفى الارز ونضعه مع 2 كوب ماء ليتم سلقه على النار

بمجرد ما يتشرب الارز كل الماء يتم اضافة اللبن اليه واضافة الملح

ونخلى بالنا احنا مش عاوزينه مالح مثل الارز العادى ولكن مجرد زرة ملح خفيييفة 

نقوم بتهدئة النار عليه وتغطيته وتركه حتى يتم النضج ونراعى عدم التقليب حتى لا يفسد وجهه اللى هاتتركز عليه قشطة اللبن

يمكن اضافة قشطة عليه او كريمة لزيادة دسامته وده اختيارى

نطفئ النار ونتركه يهدأ قليلا 

ثم نأكله اما منفردا

او بسكب ملعقة من العسل الاسود عليه ليعطيه مزاق حلو

وبالهنا والشفا

طريقةعمل الزبادى البيتى

الزبادى 

حلوة جدا ولا غنى عنها فى اى منزل يوجد به اطفال

وعشان بتكون صناعتها فى البيت اوفر من حيث التكلفة

+ انك عارفة ومطمئنه على اللبن اللى انت بتستخدميهفى صناعتها وبلا اى مواد حافظة

الطريقة يهلة تحتاج الى:

فرن دافئ+اى كمية لبن تحبيها نقول مثلا لتر لبن+عبوة من الزبادى الجاهزة نستخدمها كخميرة

الطريقة:

1-نشغل الفرن ولما يسخن قوى نطفيه

2- نقوم بوضع اللبن فى وعاء على النار ونتركه حتى يصبح دافئ =انك لما  تضعى اصبعك فى اللبن لا تتوجعى منه

3- نطفئ النار على اللبن

4- نقوم بوضع عبوة الزبادى على اللبن والتقليب جيدا حتى تمتزج مع اللبن بدون اى تكتلات

5- نصب الخليط فى الاكواب"حسب ما تحبى سواء كانت زجاج او بلاستيك والزجاج افضل"ونضعهم فى صينية بها ماء دافئ" يعنى زى حمام مائى"

6- نضع الصينية التى بداخلها الاكواب وحولهم الماءالدافئ بداخل الفرن الدافئ ونتركهم حوالى من 4-6 ساعات مع التأكد من استمرارية دفئه

7-نخرج اكواب الزبادى ونضعها فى الثلاجة

وبالهنا والشفا

كوكتيل عباس

عندى مشروب طبيعى ومنعش جدا جدا

طبعا فى الصيف الواحد يجرى على المياه الغازية منشدةالحر والعطش

ولكنى استطعت اناعمل كوكتيل جميل جدا ومنعش فى الصيف الواحد ما يحسش معاه بالعطش

ومكون من : كركديه+تمر هندى+خروب

بداية:

احب اعرفكم فوائد كل منهم وبعدين اقولكم طريقةعمل الكوكتيل

1- الكركديه

الكركديه علاج فعال وآمن لخفض أنزيمات الكبد وإنتاج مضادات للأكسدة نظرا لاحتوائه علي الفلافينويد والفينولات العديدة التي تعمل علي إزالة المواد الضارة من الكبد وتساعد علي إنتاج مضادات الأكسدة‏,

2- التمرهندى

نظراً لوجود الاحماض والمعادن في مشروب التمر الهندي فإنه يفيد في تخليص الدم من حموضته الزائدة وطرد ما يحتويه من سموم.
- حيث ان مشروب التمر الهندي يحتوي على عدد من المضادات الحيوية فإنه يفتك بعدد من السلالات البكتيرية ولذا فإنه يطهر الجسم من الجراثيم.
- يضاف التمر الهندي من قبل شركات الأدوية الى أدوية الاطفال كخافض للحرارة.
- يستخدم مشروب التمر الهندي في حالات ارتفاع ضغط الدم والقيء والغثيان والصداع.

يستعمل التمر الهندي في الهند لإزاحة غازات المعدة ولترطيب الحلق وملين لطيف، وفي الصين يستخدم التمر الهندي لعلاج الدسنتاريا وعلاج البرد ولنقص الشهية.
لا توجد أي محاذير للتمر الهندي حتى بالنسبة للحوامل والأطفال.

3- الخروب

 

 

الخروب يستخدم في معالجة :

الإسهال وعسر الهضم و الحرقان

وأيضا في تخفيف التهاب الأمعاء.

تعتبر ثمار الخروب مغذية وملينة معتدلة ويساعد في تطهير الأمعاء.

وحيث إن الخروب قلوي فإنه يستعمل لعلاج حموضة المعدة.
والخروب الطازج مقو للمعدة والمنقوع يعدل حموضة الهضم.

ويصنـع من الخروب مركبات خاصة لعلاج الإسهال عند الأطفال.
يستعمل بكمادات من الخارج لإزالة الثآليل الجلدية.

قشر البذور قابض للأنسجة و ملين, كما يستعمل المغلي والمنقوع في علاج النزلات الصدرية .
خفض الكوليستيرول بالدم
مضاد للأكسدة

الحساسية والربو لأنه يحتوي على حمض الغاليك
يخفض الضغط الدموي
يقي من ظهور سرطان الرئة إذا استعمل بانتظام
يحد من هشاشة العظام لتركيبته الغنية بالكلسيوم والفوسفور

تصوروا لوكل الفوائد دى تجمعت فى كوب واحد؟؟؟؟؟؟

اظن كده اقول لكم على الطريقة

انا باعمل كمية كبيرة منه عن طريق اجيب شوية كركديه مثلا كوب+ شويه تمر هندى+ شويةخروب مثلا نصف كوب واحطهم فى حلة كبيرة مملوءة بالماء واضع معهم السكر حسب الرغبة واضع الحلةعلى النار لغاية ما تغلى غلوة يعنى بمجرد ما تبدأ تغلى اطفى النار واتركها تبرد واعبيها فى زجاجات واضعها فى الثلاجة واشرب منها كل يوم براحتى وممكن يقعد حوالى اسبوع

وعلى فكرة مرة حاولت انى بدل ما اغليها على النار انى اكتفى بنقعها : وللحق طلع طعمه حلو ولكنه لا يظل بحالته فترة طويله فى الثلاجة يعنى يدوبك يقعد يومين بالكثير

حقيقى هايعجبكم لو جربتوه

اما اسمه"كوكتيل عباس" انا سميته كده على اسم صديق العائلة اللى دلنى على اضافة الخروب حيث انى كنت اعمله مكون من الكركديه والتمر هندى فقط .علشان كده انا بأشكره من خلال اطلاق اسمه عليه

طريقة عمل الكريم كراميل بسهولة

المقادير

1 لتر لبن يعنى حوالى 4 اكواب ونصف

2بيضة

فانيليا

2 ملعقة سكر

وللكراميل:

2ملعقة سكر

ملعقة ماء

الطريقة:

اولا نعمل فى الحلة او القالب اللى هانعمل فيه الكريم كراميل نعمل فيه الكراميل عن طريق تسخين ملعقتى السكر مع ملعقة الماء وتقليبها على النار حتى يحمر لونها مش تتحرق

ثم نضعها على جنب

ونقوم بتدفئة اللبن ثم نخلطه مع البيض والفانيليا والسكر ونقلبه جيدا : ملحوظة ممكن ضربهم فى الخلاط هايكون اسهل بكثير

ثم نصب الخليط فى الوعاء اللى عملنا فيه الكراميل

ونعمل حمام مائى لهدا الوعاء

بالنسبة لى انا اعمل الكريم كراميل فى حلة وادخلها فى حلة اكبر منها بها ماءواغطيها واضعها على البوتاجاز واهدى النار واسيبها لغاية ما تتماسك على النار واخلى بالى من انى اراقب مستوى الماء كل شوية لانه بيتبخر

وبعدين احطها فى الثلاجة  وتانى يوم بالهنا والشفا

موس المانجو

مـوس المــانجــو(كــاسة مــانــجــو)- موس المانجو بالصور-mango mousee recipe:

مـوس المــانجــو(كــاسة مــانــجــو)

مـــقاديـــرمـوس المــانجــو(كــاسة مــانــجــو):

 200جم باسترى كريم (بودرة موجود فى محلات العطارة ومستلزمات الحلوانى) -500 جم عصير مانجو(يفضل يكون فريش) - مانجو مقطعة مكعبات.

طــريــقــة عمل مـوس المــانجــو(كــاسة مــانــجــو) :

·   نضرب الباسترى كريم مع عصير المانجو بالمضرب اليدوى كويس جدا بحيث نحصل على قوام متماسك.
·   نضعهم فى البلبلة.
·   نجهز الكاسات.
·  ييتم تعبئتها بمكعبات المانجو من تحت وفوقها بالبلبه نصب الخليط(عصير المانجو مع الباسترى) ثم lady finger  ثم طبقة أخرى من الخليط بالبلبلة ثم مكعبات مانجو فوقها ثم fresh cream  بالبلبلة.

سوبيا

السوبيا من المشروبات الشعبية المعروفة جدا فى مصر وللغرابه وجدتها مشهورة جدا  فى المدينة المنورة ويقبل عليها الكثير من المقيمين  هناك وأهل المدينه نفسهم. وهناك محلات مخصصة لذلك أشهرها سوبيا خشة. وهذه طريقة سهلة وبسيطة لها أتمنى أن تعجبكم.

سوبيا

المقادير:

كيلو لبن- ملعقة فانيليا – عسل - ملعقة سوبيا بودرة (موجودة فى محلات العطارة) - 100 جم لبن جوز الهند (فى السوبر ماركت وفى حالة عدم وجوده ننقع اللبن فى جوز الهند فترة ثم نصفيه منه فيكتسب نكهة جوز الهند) - 50 جم( ملعقتين) سيرم ثقيل(يتم تحضيره بوضع كوبين سكر وكوب ماء على النار ولما يغلى نعصر عليه ليمونه).

الطريقة:

• نغلى اللبن ويترك حتى يبرد.

• يتم خلط اللبن والفانيليا والسوبيا البودرة ولبن جوز الهند والسيرب جميعا فى الخلاط حتى يمتزجوا .
• يتم وضعهم فى الثلاجة.

سلطة الزيتون المخلل

سلطة الزيتون المخلل (الشيف نبيل)

المقادير:

1/4 كيلو زيتون اخضر مخلل ومخلى ومقطع شرائح –2 فلفلة رومى احمر واخضر مقطع قطع صغيرة – ملعقة صغيرة شطة – بصلة مفرومة – ملعقة كبيرة زيت زيتون  – بقدونس مفروم ...

الطريقة:

• نضع  الزيتون والفلفلة والشطة والبصل والبقدونس وزيت الزيتون فى الخلاط لحد ماتنعم خالص ونضعها فى طبق التقديم.
• يمكن تزيين الطبق بزيت الزيتون والزيتون وقطع صغيرة من الطماطم وورق الخس كما هو موجود فى الصورة.

الترمس الحلو

الترمس الحلو

• نشترى ترمس حلو من العطار(الترمس نوعين حلو(مستورد) و ترمس مر (بلدى)) .
• يغسل الترمس جيداً.
• ينقع الترمس 12 ساعة فى الماء بحيث الماء يكون مغطيه وأكثر.
• نضعه على النار حتى تستوى القشره ويأخذ لون الترمس المعتاد (من ربع ساعة إلى 45 دقيقة حسب نوع الترمس).

• نصفيه من الماء ونملحه بالملح والكمون والليمون.
• 
  
• بعد 4 ساعات أو يوم يقدم للأكل.

طحينة

الطحينة:

 

المقادير:

فنجان طحينة + نصف فنجان مياه دافئة + خل+ نصف ليمونة + ملح + بقدونس.

الطريقة:

توضع الطحينه ويضاف الماء بالتدريج مع التقليب المستمر وإضافة الخل والملح

ويتم التزيين بالبقدونس وزيت الزيتون. 

صينية عجة بالفرن

المقادير

9 بيضات

3 ملاعق كبيرة دقيق

نصف ملعقة صغيرة بيكنج بودر

لفتين بقدونس

ملح

كمون

بهارات

بصلتين وسط مقطعتين قطع صغيرة

طماطمتين مقطعين قطعغ صغيرة

ثلث كوب زيت

الطريقة:

نضرب البيض

نضيف الدقيق والبيكنج بودرونضربهم مع البيض

نغسل البقدونس ونقطعه قطع صغيرة ونضيفه

نضيف البصل

نضيف الطماطم والملح والكمون والبهارات والزيت 
ندهن صينيه زيت ونبطنها بالدقيق ثم نضع الخليط فوقها وتوضع فى الفرن حتى تستوى

الطواجن وصوانى الفرن ,  oven dishes

صينية عجة بالفرن

بودنج الشيكولاتة للشيف حسن بالصور خطوة خطوة

بودنج الشيكولاته - طريقة بودنج الشيكولاته - مقادير بودنج الشيكولاتة

بودنج الشيكولاته

مقادير بودنج الشيكولاتة:

كيلو لبن- 200 جم سكر بودرة-300 جم قطع شيكولاته-50 جم كاكاو- 75 جم نشا (نصف كوب) – 30 جم جيلاتينا(ملعقة كبيرة)

طريقة بودنج الشيكولاته:

• يضاف اللبن مع السكر على النار مع التقليب.

• ثم نضيف الكاكاو والشيكولاته

• نذوب النشا فى نصف كوب ماء دافى

• نذوب الجيلاتينا بالطريقة التالية:

• ربع كوب ماء على النار وأول ما تدفى المياه نضيف الجيلاتينا مع التقليب ثوانى ونرفعها من على النار.

 بودنج الشيكولاتة للشيف حسن بالصور خطوة خطوة

• عندما يغلى اللبن مع السكر والكاكاو والشيكولاته نضيف الجيلاتينا (باردة) كى تربط الخليط ونضيف بعدها النشا مع المياه ونقلبهم جيدا.ثوانى

• نصبها فى قوالب الكيك أو قالب كبير مستطيل

• توضع فى الثلاجة ساعتين.

العصائر بأنواعها والبودنج juices and pudding 

 

ثم تقدم وبالهنا والشفاء.