طريقة عمل الكريب

الكريب من الحلويات الفرنسية والمنتشرة عالميا وممكنن صنعه كصنف مالح حسب رغبتنا

المقادير - كوب لبن
- كوب دقيق
- بيضة
- ربع معلقة ملح .. ولو الكريب حلو يبقى سكر
- شوية زيت
طريقة التحضير :
- اول حاجة تنخلوا الدقيق والملح فى طبق كبير للعجن
- ضعى البيضة وشوية لبن وقلبى شوية بعصا خشبية أفضل
- ضعى شوية لبن كمان وقلبى لغاية ما تبقى عجينة ناعمة
- ضعى الزيت وبقيت اللبن وقلبى كمان لحد ما تبقى ناعمة
- بعد كدة تسيبوا العجينة لمدة ساعة فى الهوا
- بعد كدة هتجيبوا صينية تيفال و تحطوا فيها شوية زيت
- وتحطوا العجينة بالمقاس اللى انت هتاكلوا
- تستنى لحد ما يتحمر القعر قليلا
هنقول مثلا انكم هتعملوه سوسيس
- بعد ما تضعوا العجينة واتعملت هتحط شوية جبنة رومى عليها لو مابتحبوش بلاش
- بعد كدة هتحط السوسيس أو اى اكل انت عاوزة
- بعد كدة هتحط المايونيز وبعدية الكاتشب على طريقة التوزيع
- وتسيبوا على النار لحد ما يستوى بعد كدة تلف العجينة او الساندوتش
طبعا هتقولوا ازاى
- العجينة فى الاول مفرودة وهتحط عليها الاكل كله اوكى .. بعد كدة اتنيها نصين واتنيها كمان لتبقى على شكل ربع .
- ممكن تحطها شوية فى الفرن عشان تمسك كويس لو حبيت

وممكن لو كان الكريب حلو نحشيها بعجينة الشيكولاته او المربى ونلفه

وعل فكرة ينفع الكريب يكون بديل رائع لساندويشات المدرسة للاطفال

وبالهنا والشفا